Thursday, February 14, 2013

යුනියන් ජැක් (Union Jack)

A True Story... වචනයක් ගැන පොඩි දැනුමක් දෙන පොඩි කතාවක් හොදේ..

දැං කාලේ උනත් ඕං ප්‍රින්සිපොල් කෙනෙක් ස්ථාන මාරු වෙලා යන කොට අර ඉන්වෙන්ට්‍රි මේ ඉන්වෙන්ට්‍රි චෙක් කොරල භාර දීල අත්සන් කොරල තමා යන්නේ අළුතින් එක එක්කෙනාට. ඒකට කියන්නේ බඩු භාරදෙනවයි කියල නෙව..

මේක ටික කාලෙකට විතර ඉස්සර කේස් එකක්..

ඉතිං ඕං ඉස්කෝලෙකට ප්‍රින්සිපොල් කෙනෙක් මාරු වෙලා එනවා. එයා නං ටයි කෝට් එහෙම දාල ජැන්ඩියට එන්නේ. ඒත් යන්න ඉන්න කෙනා නැෂනල් කිට් එක ගහපු එක්කෙනෙක්..

දැං බඩු බාර දෙන්නයි සුදානම.

“එහෙනං මහත්තයෝ, ඔන්න ලැයිස්තුවේ විදියට බඩු බාරගන්න“

කියල පරණ කෙනා ලිස්ට් එක කියව කියව බඩු පෙන්නනවා. එතකොට අළුත් කෙනා ඒවට හරි දාගෙන යනවා..

ටිකක් ඔහොම බඩු ගනන් කර කොට පරණ එක්කෙනා කියනවා.. අතට ලී කොට කෑල්ලක් අරගෙන, අර කොළ වලට තියන බරක් වගේ එකක්...

“යුනියන් ජැක් එකායි“

අළුත් කෙනා හරිය දාන්න ලෑස්ති වෙලා බඩුව බලනවා...

“මොකක්ද ස්කෝලේ මහත්තයෝ කිව්වේ... යුනියන් ජැක්“

“ඔව් මේ යුනියන් ජැක්..“

“හෙහ්.. ඉස්කෝලේ මහත්තයට විස්වාසද ඕකමෙයි කියල“

“නැතිව නැතිව .. මම මේකට ආපු වෙලාවෙත් ඕක තමා බාර ගත්තේ යුනියන් ජැක් කියලා.. මම ඒත් දන්නේ නෑ මොකක්ද කියල, වට්ටෝරු පොතේ දාපු හින්දා බාර ගත්තා“

“ස්කෝලේ මහත්තයෝ මේක යුනියන් ජැක් එකක් නෙමෙයි නේ“

“අනේ මන්ද මහත්තයෝ ඕක ඔය සුද්දගේ කාලේ ඉදලම තියෙන එකක්. මහත්තයා බොරු නං කලින් පිටුව හරවල බලන්නකෝ එදා ඉදලම ඕක අළුත් අය ආවම භාරගෙන තියෙනවා.“

“හෙහ් හෙහ්.. මහත්තයෝ වචනේ හරි ඒත් මේක යුනියන් ජැක් එක නෙමෙයි.. ඔබතුමා දන්නෙත් නෑනේ යුනියන් ජැක් කියන්නේ මොකක්ද කියලා“

“ඔව් මහත්තයෝ මොකක්ද එතකොට“

“යුනියන් ජැක් කියන්නේ... ඉංගිරිසි කොඩියට.. මහත්තයා කිව්වා හරි ඒක සුද්දගේ කාලේ ඉදල මෙහේ තිබිල තියෙනවා. හැබැයි කව්රු හරි මහත්තයෙක් ඔය අතරේ කොඩිය අරන් මාරු වෙලා තියෙන්නේ මේ මේස කොඩිය හයි කරන බරුව විතරක් ඉතුරු කරල.. එදා ඉදල ලී බරුව තමා යුනියන් ජැක් කියල ඔහේල තියාගෙන ඉදල තියෙන්නේ“

“සෙහ්.. වස කන වැඩක් නේ මේක මහත්තයෝ..“

Thursday, February 7, 2013

මාලිගා හැදීම

ඔන්න ලංකාවේ ඇමති කෙනෙක්ගේ බොහොම හිතවත් මිත්තරයෝ දෙන්නෙක් ඉන්නවා ඇමරිකාවේයි එංගලන්තෙයි. මේ දෙන්නත් ඇමතියො තමා. එක දවසක් ඇමරිකාවේ යාළුවා අපේ හාදයට මිනිහගේ ගෙදරට එන්න කියල ඉන්වයිට් කොරා. ඉතිං අපේ එකත් ඇමරිකාවේ ගියා යාළුවගේ ගෙදර. ගෙදර ගියාම.. . ඒක ගෙදරක් නෙමෙයි දිව්‍ය මාලිගාවක් වගේ හින්දා මූ කට කනේ තියාගෙන මුළු ගේම ඇවිද්දා. කියල වැඩක් නෑ සුපිරි මාලිගාවක්. දැං අපේ පොරට අවශ්‍යයි දැනගන්න මෙච්චර ලොකු ගෙයක් කොහොමද හැදුවේ කියල.

“මචං. පට්ට ලස්සන ගෙයක් බං. තෝ කොහොමද මෙච්චර සිරා ගෙයක් හැදුවේ.. සල්ලි බර ගානක් යන්න ඇතිනේ බං.. “

“ඒක රහසක් බං.. උඹට ඕන්නං මම කියන්නං“

“අනේ බං කියපංකෝ“

“වරෙන් අතන ජනෙලේ ගාවට“ හා කියල දෙන්න එක්ක එතනට ගියා.

“උඹට පේනවද අර ගග මැද තියෙන මහා විසාල පාලම“

“කෝ බං මට මහ විසාල එකක් නං නෑ ඔය ලේන් හතරක් තියෙන පාලමක් නෙව“

“ඔව් යකෝ... ඕක මහා විසාල ලේන් 10 ක් තියෙන පාලමක් තමයි.. උඹට පේන්නැත්ද??“

“නෑ බං“

“හ්ම්... ඕකෙන් තමා මම මේ ගේ හැදුවේ.. හහ්හහ්හා“

අපේ එකා පුල් අන්දොස් වෙලා ඇමරිකන් යාළුවා හෙන පොරක්ම තමා කියල හිතාගෙන ටික දවසක් ෆන් එකක් දාලා ආයේ ලංකාවට ආවා.

ඊට ටික දවසකට පස්සේ බ්‍රිතාන්‍ය යාළුවා අපේ එකාට ඉන්වයිට් කොරාම එහේ ගිහිල්ල, මේකා ඇමරිකන් යාළුවටත් වඩා පත මාලිගාවක් හදල තියෙනවා දැක්කම අපේ එකා උගෙනුත් ඇහුව මේ ගැන. එතකොට අර විදියටම ජනේලේ ගාවට ගිහිල්ල ගග පෙන්නුවා පොර..

“උඹට පේනවද අර අති විසාල කේබල් පාලම“

“මොන කේබල්ද බං.. ඒක නිකං පාලමක් නේ“

“මොන පිස්සුද යකෝ ඒක කේබල් පාලමක්. හෙන ගානක් යන කේබල් තමා දාන්න උනේ“

“හැක්.. ඉතිං යකෝ කේබල් අඩියක් වත් එතන නෑනේ“

“හෙහ්.. එහෙම තමා බං මේ ගේ හදලා තියෙන්නේ“

අපේ එකාට හෙන අන්දොස් ආයෙත් මිනිහ හිතුවා දැන්නං මටත් පුළුවන් ගෙයක් දොරක් හදාගන්න කියලා..

ඒ විදියට හිතල මූ අරුන් දෙන්නගේ මාලිගා වලට කිට්ටු වෙන්න තියා හිතන්නවත් බැරි සුපිරි මාලිගාවක් හදල ගේ පදිංචි වෙන දවසේ අර යාළුවෝ දෙන්නටත් ඉන්වයිට් කොරා. උන් දෙන්න ඇවිල්ල ෆුල් හොල්මන් උනා. යකෝ හෙන පුදුමයි නේ අපි නං පෝසත් රටවල් ඒත් මේ දුප්පත් රටේ ඉදගෙන මූ කොහොමද මේ තරං සුපිරි එකක් හදන්නේ කියලා.. උනුත් අර විදියට මුගෙන් ඇහුව කොහොමද හැදුවේ කියලා. එක්කං ගියා ජනේලේ ගාවට පෙන්නුවා ගග.

“උඹලට පේනවද අර ගගේ තියෙන ලංකාවේ දිගම පාලම???“

“ම්හ්.. පේන්නේ නෑ බං.. හුගක් දුරද මගේ ඇස් පේනවත් හොරයි වගේ“

“නෑ යකෝ ඔය ළගම තියෙන්නේ“

“ඉතිං බං එතන පාලමක් නෑනේ“

“ඒක තමා ඉතිං.. මමත් ගෙයක් හැදුවේ ඒකෙන් තමා“ කියල හෙන ආඩම්බරෙන් කිව්වා