ඔන්න අපේ
යාළුවෙක් හිටියා නීල් කියල. මිනිහගේ තාත්ත කරන්නේ මාර්කට් එකේ එළවළු බිස්නස්. නීලා
ඉස්කෝලේ යන කාලේ අමර පිස්සා. ඕන දෙයක් කරනවා. අරක්කු, සිගරට්, මල් ඔය ජාති ඒවා
හොදට ගන්නවා.
එක දවසක් උදේ
ලැට් එකට යන්න ලෑස්ති වෙචිචි නීල්ගේ තාත්තා කාමරේට ඇවිල්ල එයාගේ ෂර්ට් එකේ සාක්කුව
දෙපාරක් විතර අවුස්සල බලල නැති තැන ඒක අතට අරන් හොදට බැලුවා. දෙපැත්තට ඔළුව වනපු
තාත්තා, මහ හයියෙන්,
“නීල්..
නීල්.. මෙහෙ වරෙං“
“එනෝ ඉන්නෝ“
කියාගෙන නීල් ආවා කාමරේට
“උඹ ඊයේ මම
කමීසේ ගැලෙව්වට පස්සේ ඒකේ සාක්කුව ඇවිස්සුව නේද“
“පිස්සුද
තාත්තේ“
“මේ උඹ මට
බොරු නොකර ඉදිං හරිය.. මම දැන් දවස් ගානක් ඇහැගහගෙන හිටියේ උඹ ගැන“
“මං මොකක්ද
කරේ. මම ගත්තෙඑකක් නෑ ඕකෙන් සල්ලි“
“ඔව් මං
දන්නවා උඹ මේකෙන් සල්ලිත් ගන්නවා“
“නෑ මම ගන්නේ
නෑ.. .පිස්සුද“
“පිස්සුද, ඔව්
මට තමා පිස්සු.. මම අහන්නේ උඹ ඇයි ගත්තේ“
“මොකක්ද“
“සාක්කුවේ
තිබ්බ බ්‍රිස්ටල් එක“
“පිස්සුද මම
ගත්තේ නෑ“
“තොට මම කන
කුඩු වෙන්න ගහනවා ආයේ ගත්තොත් හෙම මේකෙ තියෙන ඒවා“
“මම ගත්තේ නෑ
කිව්වනේ.. තේරෙන්නැද්ද“
“මොකක්ද යකෝ
කිව්වේ. මම ඊයේ රෑ ඔය බ්‍රිස්ටල් එක තිබ්බේ උඹ ගන්න විත්තිය දන්න හින්දමයි“
“මම ගත්තේ නෑ මගුල් බ්‍රිස්ටල් එක“
“තෝ එනවද එකට
එක කියන්න“
එහෙම කියමින්
නීල්ගේ කනෙන් අල්ලගෙන කන හරහා හොදවයින් දෙකක් දුන්නම නීල් මහ හයියෙන් අඩන්න ගත්තා.
“තොපි හැදෙන
විදිය. යකෝ ඉස්කෝලේ යන ඈයෝ කරන වැඩද මේවා.. පරයා“
නීල් මහ
හයියෙන් අඩන හඩ ඇසී අම්මා දුවගෙන එයි.
“මොකෝ මොකෝ
මේ. මයේ කොල්ල අඩන්නේ“
“අනේ ඔහේගේ
ඌරු පැටියා“
“ඇයි කොල්ලට
ගහන්නේ“
“ගහන්න නෙමෙයි
මරන්නයි තියෙන්නේ. මූ මගේ සාක්කුවෙන් සිගරට් අරගෙන බීලා“
“ඇත්තද පුතේ
මේ කියන්නේ තාත්තා“
“ඉහි ඉහි
නෑ මම ගත්තේ නෑ අම්මේ ඉහි ඉහි“
“තොපි දෙන්න
ඕන කුදයක් ගහගනිල්ල.. ආයේ අහුවෙන්න එපා. මං තෝව මරනවා දෙකක් නෑ“
එසේ කියමින්
නීල්ගේ තාත්තා පිටව යයි. නීල් තාමත් හැඩූ කදුලෙන්ය.
“උඹ අඩන්න එපා
පුතේ.. නරක වැඩ කරන්න එපා පුතේ“
“ඉහි ඉහි. මං
බොරු නෙමෙයි ඉහි ඉහි... කිව්වේ අම්මේ.. මම තාත්තගේ බ්‍රිස්ටල් එක ගත්තේ නෑ. ඉහි ඉහි
ඉහි... අනික ඉහි ඉහි ඉහි... මම බ්‍රිස්ටල් බොන්නෙත් නෑ ගෝල්ලීෆ් විතරයි බොන්නේ“
තාත්තා දුන්
කනේ පාර, අම්මාද නීල්ට ඒ මොහොතේම දුන්න විත්තිය පසුව නීල් හිනා වෙවි අපට පවසන ලදි.
